Familiekompaniet

Eitt steg

2011-07-10T23:58:00.001+02:00

Håkon gjekk eitt steg i helga, frå stol i stova på Breidablikk bort til pappa. Mormor var vitne.

ståande

2011-06-29T16:23:00.000+02:00

Idag sto Håkon ca 8 sekunder på eigne bein, iført sine raude støvlar!

02 juni 2011

2011-06-02T22:01:00.001+02:00

Det kjennest som om det heile tida skjer nye ting. Både med Håkon, Victoria og i livet elles. Så det er litt vanskeleg å henga med i svingane. Nokre stikkord er førskule for Victoria, ein intenst aktiv Håkon, bursdagar m.m. Victoria har fått fleire nye vener i samband med førskuledagane. NO som dei er over seier ho at ho kjem til å sakna klassen sin. Parallell-klassen hennar er innretta slik at alle som går i han kjem om lag frå same plassen. Fleire har adresse varåsgrensa oppdaga me, stadig er det nye små mennesker innom på besøk. Får håpa det varar. På dagtid er dei sjølvsagt i barnehage heile gjengen, så då er det berre oss tre her heime. Håkon seier ord som har th-lyden i seg, for tida. Detth, Hetth, Hth, og puth, og "der!". Det er også like før han tek sitt fyrste steg. viss han berre tørr no, så kan han. Han reiser seg stadig opp. Å gå i kyrkja har fått eit litt nytt innhald no som kroppen må fotfølga Håkon konstant der han speedar mellom døypefont, benkar og diverse golvfyll. Håkon er svært nære å vera trygg i trappa. Fortsatt er instiktet at når han skal ned trappa så må han med hovudet fyrst, men så snart eg tek på føttene og seier "føtene fyrst", så kjem han på kva han må gjera. Kven hadde trudd me skulle få ein så aktiv krabat. Eg hadde sett for meg ein rolig leksikon-gut, ala. min eigen lillebror, men den gong ei. Alt i alt synest eg det er kjekt å vera heime. Kor mange høve får ein til å vera saman med båe borna på ein gong over ein lenger periode?

Håkon (snart) 1 år

2011-05-19T13:51:00.001+02:00

Håkon (snart) 1 år, a photo by Øystein Lid on Flickr.

Onsdag 18 mai slutta Håkon tilsynelatande å kravla, og oppgraderte til krabbing på permanent basis. Han sa også ordet "pus". Han reiste seg også opp og gjekk 12 skritt med gåvogn, heilt på eige initativ. Ein stor dag, med andre ord! I dag pustar me ut...

Bilete våren 2011

2011-05-12T15:32:00.000+02:00

Sjå bilete-framsyning

10 mai. 2011

2011-05-10T22:55:00.005+02:00

Håkon nærmar seg eitt år. I dag greidde han for fyrste gong å klatra opp trappa. Eg avverga rett nok eit tilbakefall. Det som er kjekkast å gjera er det han har minst lov til. Han er i ferd med å læra å gå, men treng at nokon held han i begge hender. Han krabbar stadig meir. Har 4 tenner og nokre til ? på veg. Diett: Skjeva med leverpostei, kaviar, fisk og prim. Vassgraut. Gratinert fiskegrateng. Litt grus og tørkepapir. Tran. Babygraut. Han kan ikkje seia mange ord, men forstår ein del ord. I dag såg eg tydeleg at han skjønte kva ordet "Victoria" tyder. Han såg mot rommet hennar. Han seier også ord som liknar på skikkelege ord, men er berre baby-pludring. Pappa og mamma seier han derimot nokså klart. Elles elskar han å vera ute. Han kan vera i skrikemodus, men så fort han kjem ut er alt greitt.

Bilete frå Vivelid

2009-10-02T23:36:00.002+02:00

27 bilete

Nokre sitat

2009-09-10T19:24:00.000+02:00

Eg er så glad for at eg har ein familie!
300709

Du e flink å strikka min kjære mor!

Du er min flinkaste pappa.
- Koffor det?
Jo, du hjelpe meg med ting.
- ka då?
Å ta på Jobajoba, for eksempel.

Denne veien følger oss heilt til søndagsskulen. Då sleppe me å gå åleine!
Fordi veien følger oss?
Ja. Alt følger oss. Gud, bakken og alt som fins. Eg snakke jo virkelig sant.

210709
eg samle på dynomanter. Det syns eg e kokfint.

100909
Det regne knallfullt!

CNV000032

2009-08-29T01:09:00.001+02:00

CNV000032
Originally uploaded by Øystein Lid

Nokre få glimt

2009-06-14T00:00:00.002+02:00

Victoria under lesing av Løven, heksa og klesskapet, av C. S. Lewis: "Kan du løfta meg opp og ta meg inn i den fortellingen?"

Victoria standardsvar: Eg VEIT det, mamma!

V: Kan du hjelpa meg med å dra opp glidelåsen?
Pappa: Det kan eg godt.
V: Takk!
Pappa: Bare hyggelig!
V: Det var et fint lite språk!

V om livet no og etter: "Eg har ikkje lyst opp til himmelen, eg har lyst å leva heile livet!"

Victoria om den nye bilen: "E da ein racerbil me har fått, eller?" (populært spørsmål)

Bloggen har fått eit litt meir dekkjande namn...

2009-05-08T22:04:00.002+02:00

... fram til einkvan tek pennen fatt og publiserer noko anna her enn det bloggens tittel indikerer. Og den personen ser ikkje ut til å vera meg.

Victoria i barnehagen.

Victoria på verandaen.

(trykk på bileta for større versjonar)

2 nye filmar framkallt!

2009-04-23T19:57:00.002+02:00

Fyrst ein film med bilete frå påsken

Og så ein film frå i fjor sommar.

Kunst av Victoria

2009-01-18T18:36:00.000+01:00

Victoria har denne veka gått frå nonfigurativ kunst:

til figuarativ kunst (sjå under), nærmare bestemt portrettet. Eg syns det er ei såpass stor hending at det fortener eit blogginnlegg. Monika fekk den æra å bli teikna fyrst, og så var det "no skal eg tegne konen din, (det er deg, Ingvild)". Og til slutt pappa. Ser de likheten?

TANTE MONIKA:

MAMMA:

PAPPA:

Gjengitt med tilatelse. ("Ja, du kan få låne de")

4 familiebilder på snei.

2009-01-16T18:24:00.001+01:00

Elles vil eg tilrå familiefilmen som Hallvard har satt saman!

Solskin og manntal

2008-12-30T13:02:00.000+01:00

No sit me på toget på veg til Voss (og derifrå vidare til Lofthus med bil) og Victoria seier at "toget har berre lov til å køyra på solskinner". Andre gullkorn har det også blitt medan me feira jol på Tysnes. Blant anna var ho pakkelesar i lag med Jorunn, og når ho skulle spørra kva som stod på pakkelappen spurte ho "kva er det som står i manntallet?". Ho hadde tidlegare fått forklart at manntallet var ein plass der Josef og Maria måtte skriva navnet sitt. Men no går toget!

Samtale

2008-12-09T10:59:00.002+01:00

I: Kva trur du Gustav ønsker seg til bursdagen sin?
V: Ein dinosaur!
I: Ønsker du deg ein dinosaur til jul?
V: Neeeeeei!
I: Kva ønsker du deg då?
V: Ein kjole med glitter... og blomster og slør.

ynskjeliste

2008-11-29T17:51:00.001+01:00

Det er sikkert alt for seint, men her er no nokre ting eg ynskjer meg viss det er nokon som er seint ute, og har lyst å kjøpa noko.

- Eit firebands-bokverk som heiter Filokalia og er visdomsord frå ørkenfedrene. Kan kjøpast her.

- Ei fløyte som heiter Fjellfløyta, og er Steinar Ofsdal som importerer. Eventuelt vårfløyta. KKan kjøpast her.

Engelsk omsetjing av Septuaginta! Kan kjøpast her
-

Sitat

2008-11-26T10:11:00.001+01:00

"Eg vil lage ein teikning til barne-TV. Kan du sende den til null-tre Oslo?"

Victoria sitat

2008-11-17T15:41:00.001+01:00

Eg henta det raude ullteppet til Victoria i går, og så spurte ho: «Er det laga av raude sauar?»

Bilde og sitat

2008-11-02T21:09:00.004+01:00

På fredag då eg kom heim frå arbeid møtte Victoria meg øverst i trappa, og sa: "Du like så godt aviser, du! Du lese aviser, og så skrive du i aviser."

Ellers så leste eg eventyret om askeladden som kappåt med trollet i dag, og spurte etter på om ho syns det var gøy eller kjedelig. "Det var litt kjedelig, men litt gøy også!".

kvifor regnar det

2008-10-08T09:42:00.000+02:00

"- det er ein muskel inni magen til himmelen som gjer at det blir regn."

(i går lærte ho om hikke)

Blåveispiken

2008-09-27T17:44:00.002+02:00

Etter at Victoria hadde fått ein saftig blåveis, uttalte eg at eg var litt misunnelig på han. Victoria kunne opplysa om at det var ganske enkelt å få tak i ein, det var berre å sitta feil vei på stolen, og sjå opp i taket. Enkelt! No går ho rundt og fortel folk at ho har fått seg ein "blåmeis".

Eit par bilder til kan sjåast HER.

Godnatthistoriar

2008-09-25T20:21:00.001+02:00

Eit lydopptak av meg og Victoria.

Heimelaurdag

2008-08-30T16:04:00.001+02:00

Eg ser for meg hausten som ein britisk godseigar med store støvlar. Han er konstant forkjøla og går rundt og smittar folk. No har han vore på lynvisitt og smitta Victoria. Ho har feber og ein fel hoste. Me føler oss ikkje heilt på topp me vaksne heller, etter å ha funne fram hostesafta og bytta senger midt på natta. Så i dag tek me det stort sett med ro heime. Litt utom dørene er me nok likevel, det er faktisk over 20 grader her i dag. Herr haust er kanskje oppteken med å røra opp havet utanfor Karibien i helga? Me ser han vel snart att, tenkjer eg.

For nokre dagar sidan sat eg ute på verandaen og tok nokre bilete med digitalkameraet mitt. Blant anna det som er her øvst. Så fekk Victoria også prøva å ta bilete, for fyrste gong. Eg veit ikkje om de kan sjå det på dette biletet, men i etterkant såg eg ein refleksjon i solbrillene til Ingvild av Victoria med kamera i hand (og dessverre kom også underteikna med, i ein mindre heldig positur).

Det enda i alle fall med at me tok annakvart bilde av kvarandre. Victoria ser ut til å kunna bli ein visjonær fotograf når eg ser på dei interessante utsnitta ho har valt.

Foto: Victoria Lid. (Victoria sitt fyrste fotografi)

Foto: Øystein Lid

Foto: Victoria Lid

Foto: Øystein Lid

Ingvild nemnde her om dagen at ho hadde innsett kvifor Victoria er så fæl å somla om morgonane: Ho har eit kunstnarsinn, og er opptatt av heilt andre ting enn å eta skjeva opp fortast mogeleg. Ho har blant anna begynt å laga ein heil bråte tullesongar og viser. Ei vise komponerte ho på melodien til «lille kattepus, hvor har du vært», som handla om kva som hadde hendt ho ein gong ho var på Ikea. Det er den fyrste visa som ho gjengir på same måte kvar gong. Elles er det mange songar som berre lever i augneblinken og lever berre den eine gongen dei vert sunge. Ingvild kan ikkje hugsa at ho var på den måten når ho var lita, ho omtalar seg heller som «eit effektivt barn». Eg, for min del hadde det me å synga og skråla og laga mykje tullesongar. Så det der har ho nok frå meg. Ja, forresten, det var ei dame på Tysnes som såg Victoria for fyrste gong som sa ho likna på far sin! Det har aldri skjedd før. Denne dama kjende også til Ingvild...

For ordens skuld: Dei fleste meiner altså framleis at Victoria liknar mest på denne dama.

Bilete frå helga

2008-08-19T16:02:00.003+02:00

No i helga var meininga at eg skulle ta alle sommarbileta eg ikkje hadde fått tid til å ta i løpet av jobbesommaren. Så her kjem dei. Det er også eit par frå før i sommar, med stikkelsbær og poteter frå eigen hage til og med. Sjå bildeframsyning HER, og trykk F11 for fullskjerm.

Bilete frå våren

2008-06-27T00:26:00.002+02:00

Her kan bilete sjåast frå våren og forsommaren. Beklagar den usystematiske samansetjinga. Dei i svart/kvitt er frå Frankrike-turen. Trykk F11 for fullskjerm!

Prinsessa og Potetprinsen

2008-04-20T01:14:00.003+02:00

I eit slags forsøk på å gjera noko praktisk, nevenyttig, beint fram, umoderne, uteoretisk, naturleg, og som tek lang tid (som krev sakte tid, for å seia det moderne) driv eg og lagar ein potetåker. I pakt med ei slik tenking fylgjer her ein langtekkeleg og keisam film.

Ein fordel med å laga potetåker er at eg får tilgang til det nye rosa slottet til Victoria, sidan eg har rang som potetprins. Bli med på omvising i "tårnet"!

Foto frå helgetur til Førde

2008-04-15T01:15:00.004+02:00

(For større versjonar: klikk på biletet, og trykk deretter på "ALL SIZES" over biletet.)

Sidan Victoria sin 3-årsdag vart markert i mange ulike samanhangar, vart det ikkje til at bursdagen vart markert her på familiekompaniet. Her er i alle fall eit bilete frå 3-årsdagen med kruna på hovudet. Vel overstått! Victoria er vorten så stor no, ho forstår mykje, meir enn ein gjerne skulle ynskje. Ho veit til dømes når pappa er sint før han sjølv veit det.

Grunnen til at me for til Førde var ein annan bursdag, storesyster Monika sin 30-års dag!

Victoria og bamsen George W. Bush.

Men eitt er nødvendig!

Heime på parkeringsplassen. Dette er eigentleg tatt nokre dagar før, men eg må jo òg få vera med på eit bilde. Forden har forresten fått namnet "Ford Fiesta Racerbil" no, både fordi han fått hol i potta og fordi det var Ingvild sin måte å beskriva køyrestilen min på. Men det er ikkje sant altså, eg køyrer som ein prest, eg.

Datatips til pappa

2008-04-05T15:38:00.002+02:00

Først, viss du ikkje har gjort det allerede, lag ei mappe som heiter Nedlastingar. Her kjem fyrst linken til Opera (versjonen som i alle fall før virka greitt i lag med skandiabanken). Du får prøva om det virkar betre. Høgreklikk på linken under, velg "lagre som", og lagre i Nedlastingar.
OPERA
(Etter å ha gått gjennom prosedyren med å installera Opera og Skandiabanken-sertifikatet bør du truleg starta pcen på nytt att viss det ikkje virkar. Viss det ikkje virkar då heller, får eg sjå på det på onsdag.)

PhotoFiltre kan du også lasta ned i nedlastingar, men eg tilrår også eit program som liknar på ACDSee, (meir til å organisera og sjå på bilder, enn å redigera), som er gratis og heiter Fast Stone Image Viewer.
Last ned på samme måte som med Opera.
Fast Stone Image Viewer

Det kan også henda at du treng ein gratis kontorpakke, sidan ein berre kan nytta WORD-versjonen som fylgjer med pcen 30 gonger (eller noko i den duren) før han sluttar å virka. I Open Office er det både word, powerpoint og excel-type program. Last ned på samme måte her:
Norsk Open Office. (viss ikkje den linken virkar, må du gå til denne adressa og fylgja instruksjonane.)

Håpar dette hjelper litt!

Victoria og pappa på aketur

2008-03-28T00:09:00.001+01:00

Eventyret om pannekaken

2008-02-21T18:43:00.002+01:00

Denne videoen er tatt opp i sommar, då Victoria tilbrakte nokre dagar på Tysnes åleine (medan eg og Ingvild var i Praha). Takk til Ann Kristin Sæbbø for videoopptaket. Køyr film!

"Krafttaket"

2008-01-30T10:42:00.000+01:00

I går då eg venta på Victoria og Øystein på Nesttun, dukka medlemmene i Krafttaket opp. Eg kjenner ikkje så godt til dette konseptet, men har fått med meg at det har noko med klima og sånn å gjere. Her er ein presentasjon av medlemmene.

Dei køyrde i to store bilar, ein taxi og ein SUV. Medan dei kledde på seg dei kvite kjeledressane sine og omorganiserte bagasjen, var motoren i gang i begge bilane. Det tok ca 10 minutt før dei køyrde vidare.

La spesielt merke til denne kommentaren på nettsida over:

"Gjennom krafttaket vil seerne få idéer til hvordan de kan spare CO2. Jeg håper at dette vil inspirere folk til å gjøre noe selv. De store klimagassutslippene består av mange små og store bidrag. For eksempel bidrar du med 2,3 kg CO2 hvis du bruker 1 liter bensin."

PS: Gjett kven som angar på å ikkje ha benytta seg av eit utmerka mobilkamera.

Lilla Victoria

2008-01-29T23:19:00.000+01:00

(trykk for større versjon)

Ein heldig mann

2008-01-12T22:59:00.001+01:00

Lydklipp frå barnehagen

2008-01-10T19:47:00.001+01:00

http://www.student.uib.no/~st09987/ibarnehagen.wav

Gode matematikkresultat ved UiB!

2008-01-09T11:58:00.000+01:00

Denne artikkelen i Aftenposten omtalar dei dårlige matematikkresultata/undervisninga ved UiO.
Avisene i Bergen syntest derimot ikkje det var særleg interresant at førstesemesterkursa i matematikk ved UiB hadde sitt beste resultat sidan 1990.

Følg assosiasjonane, dei som kan

2008-01-07T11:05:00.000+01:00

Stundom held Victoria nokre svært raske foredrag. Ein barnehageonkel kunne fortelja at i 15 sekunder før Victoria skulle rutsja ned rutsjebanen hadde han fått ein kortversjon av heile juleferien, inkludert den delen der eg vart sjuk på Lofthus.

Etter sundagsskulen i går gav Victoria meg eit lite innblikk i hennar teologiske verdsbilete. Kanskje ikkje heilt teologisk korrekt, men det får våga seg. Me hadde i alle fall hatt pølser til middag. Etter middag ville Victoria ri på hesten, og hesten var meg. I løpet av rideturen utspant fylgjande samtale seg:

V: Kor e begge pølsene blitt av?
Ø: Dei e nedi magen din og nedi magen min.
V: Jesus kan ikkje sjå pølsene.
Ø: Jo, han kan alt.
V: Nei, for han har ikkje tid. Han er oppi himmelen, og Trym er oppi himmelen. Men Warren e i tyssedal.

(Trym er den tidlegare hunden til Victoria sin morfar og mormor, og Warren er ein eldre herre som har hus i tyssedal og som Victoria syns er veldig skummel.)

Gi oss idag vårt deilige brød

2008-01-04T18:47:00.000+01:00

Eit godt brød kostar i butikken 18 kroner. Kor lang tid vil det ta før det ville lønna seg å kjøpa ei brødbakemaskin til 600 kroner, lurte eg på? Ein kilo kveitemjøl kostar 6 kroner. Eit brødbakebrød brukar ein halv kilo kveitemjøl, altså 3 kroner.2 kroner andre mjøltypar og 2 kroner brødblanding, gjær, sukker og salt. 7 kroner brøet. Viss me defor går ut frå at me har tjent 11 kroner per brød, og bakt 294 brød (fråtrekt feriar og bortreiste helger), har brødbakemaskina tjent seg inn att 6 gonger sin eigen verdi. Går ein derimot ut frå mindre luksuriøse brød av typen 4-kroners kneip, tapar me 3 kroner per brødbakebrød. Ca. 600 kroner i tap. I praksis brukte me før innkjøpet av brødbakemaskina annekvart brød 4 kroners kneipp, og annekvart 18-kroners brød. I gjennomsnitt 11 kroner per brød. I såfall tjener me 4 kroner brøet. Då ville det ta 6 månader før maskina hadde tjent seg inn att. Men så et me eit brødbakebrød kvar derag, medan kanskje me brukte to dagar på eit større butikkbrød. Så då har me kanskje ikkje tjent noko verdens ting.

Leik

2008-01-04T02:18:00.000+01:00

Ein artikkel til mamma

2008-01-01T16:43:00.000+01:00

Del 1

Del 2

Del 3

Del 4

Gi meg tilbakemelding viss dei er vanskelege å lesa (eg har dei i større versjonar òg).

Jolestemning

2007-12-30T14:33:00.000+01:00

Det nærmaste me kom julesnø dagene før jul.

Ei mini-leselampe frå clas-ohlson tente sine siste dagar som Bethlemensstjerna i julekrybba vår.

Minusgrader og klårver i Lerkerinden.

Vårt første joletre! På Knut og Britt sin jordlapp i Gjersvik fann me ei furu som me kappa toppen av. (takk til dei og Ketil) Det skal bli fast tradisjon!

Etter mykje om og men var endeleg gåva til Knut og Britt i hus. Så var det berre å køyra biletet til Tysnes...

Kor mange timar av livet går med i ferjekøar?

---

Jolehuset på Tysnes, der dei har den fine tradisjonen å la alle ljosa stå på i (nesten) alle rom i høgtida.

Vel framme på Lofthus tok Ingvild fram strikketøyet. Og har ho ikkje gøymt det bort att enno så trur eg beint ho sit og stikkar framleis. "Strikkar du til meg, eller stikkar du til deg sjølv", spurte Victoria.

Frå jolegudstenesta 1.

Frå jolegudstenesta 2.

På trass av, eller kanskje på grunn av, DETTE, var det fleire og større pakkar under joletreet på Lofthus enn nokon gong tidlegare! Eg fekk til overmål alle guttars joledraum: ein rattkjelke

Eg ser ufrivillig grim ut på dette biletet frå gudstenesta fyrste joledag. Eg var tvert imot ganske glad til sinns etter ei morosam hending i opedalbrekko. Det var spinnglatt føre (eg har ikkje opplevd liknande sidan glattkøyringa) og forden utan piggdekk fekk store problem med å koma seg til kyrkjes. 10 meter etter at me hadde køyrt ut frå huset vårt spant Forden rundt som ein rattkjelke, og me måtte rygga ned resten av bakken. Resten av bakken gjekk litt lettare sidan ein traktor med grus strøydde bakken akkurat samstundes. Men han greidde berre å strøya halve bakken, for han kom seg ikkje opp bakken sjølv! Alt dette vart fortalt etter at gudstenesta var over, og ikkje mange timane etter var me lokalkjendisar i Hardanger Folkeblad. MERK: Det var ikkje me som totalvraka bilen! Me fekk oss berre ein svingom.

Midt i gudstenesta hadde eg og Victoria eit nødvendig ærend ein annan stad.

Eg veit ikkje kor godt det syns på dette biletet, men fyrste joledag er dagen då flest gravljos er tende ved kyrkja.

God jol og Godt nyttår til alle!

Lufthus er open att!

2007-12-15T00:48:00.000+01:00

Lufthus har like lang historie som familiekompaniet. Etter eit år som privat syskjenblogg er han no opna for allmenn ferdsel. Eg har laga ei liste over interessante innlegg som har stått på trykk i løpet av bloggens snart 3 årige historie. 3 år er ganske lenge det, i alle fall på internett. Ta ein kikk!

Monster under senga

2007-11-25T22:19:00.001+01:00

I det siste har Victoria begynt å koma ut frå soverommet sitt umiddelbart etter at ho har lagt seg med diverse unnskyldningar for å utsetja leggjetida. I dag foreslo ho fyrst at ho ville sitta litt på potto, noko me ikkje beit på, sidan ho aldri før har site på potta (men nyttar dosete). Til vår store sjølvkritikk hadde ho to minutt seinare gjort i bleia.

I neste omgang måtte Ingvild for fyrste gong lysa under senga til Victoria med lommelykt. Victoria var nemleg overtydd om at det var ein sint konge under senga! (Denne sinte kongen har ho frå fortellinga om Herodes i joleevangeliet, som me nyleg las for fyrste gong.)

Ønskeliste, Victoria

2007-11-25T17:21:00.000+01:00

Leiker:

Sidan Victoria sine besteforeldre er ei utømmelig kjelde med leiker for alle alderstrinn, er det lite behov for slikt. Men Victoria har fått med seg at det ofte er leiketøy i pakkane, og blir nok skuffa dersom alle pakkane er fulle av strømpebukser. Ein brannbil står høgast på ønskelista. Deretter kjem ein bobil, sånn som farmor og farfar har, og eit kjempestort leiketøy som ho ikkje vil gå nærmere inn på. Forslag frå mamma er Bullyland-dyr til samlinga og dokkeservise i porselen/steintøy.

Film:

Sidan barne-tv fort kan bli for skummelt, går det mykje i DVD. Så lenge den ikkje er skummel.

Klede:

Ullklede, av alle slag. Minst størrelse 98 (fire år), eller større, etter augemål.

Anna:

Hårklemmer, kopp, tallerken og bestikk.

Ynskje for jola.

2007-11-25T12:52:00.000+01:00

I år vil me gjerne at pakkane fyrst og fremst kan gå til Victoria. Eg har alt eg treng, og Ingvild ynskjer seg heller ikkje noko. Det er sikkert ein del som allereie har kjøpt presang til oss, og det er heilt greit. Men dei som ikkje har kjøpt presang treng ikkje gjera det. Gi heller pengane til nokon som treng dei.

Ein ny film er oss framkalt.

2007-11-23T22:16:00.000+01:00

Filmen kan sjåast som slideshow HER (ein må ha flash-player, og forresten, trykk på f11 for fullskjerm) eller på manuelt vis HER.

Victoria om Øystein

2007-11-19T12:44:00.000+01:00

"Han er ein snill mann.
Han er ein sterk mann.
Han er så snill."

Planen klar

2007-11-15T08:43:00.000+01:00

Ein liten dialog som fann stad på badet i dag kl 0630.

V: Eg vil ikkje i barnehagen i dag. Eg vil te mormor og morfar.
I: Me skal reisa te mormor og morfar i måro.
V: Eg vil reisa te mormor og morfar no, tenke eg.
I: Hehe, vil du reisa no?
V: Eg vil reisa te mormor og morfar åleina. Kan du følga meg?

Glimt frå Lofthus

2007-10-28T19:13:00.001+01:00

No sit me i forden på veg mellom voss og bergen. Det gjekk ikkje an å
køyra om norheimsund, for kvamskogen var visst vorten undersjøisk. I
ein av dei 39 tunnellane på denne strekka me er på no kasta Victoria
akkurat opp det meste av middagen og all etterfølgande føde. Ute i
stjerneljos og billjos står eg og turkar setet til Victoria. Eg klagar
ikkje.

Når me køyrer vidare er v full av spørsmål. Ka va da eg spytta i munnen?
- Da va mat så du hadde i magen.
Hadde eg mat som kom opp i munnen?
- ja, du hadde da.
ka heite da så eg spytta på skoen?
Tørka du setet mitt?
Spruta eg på deg?

Me kjem akkurat heim frå ei særs vellukka helg på Lofthus. Eg fekk
framvist mine grautlage-evner og var nøgd med det. Så god var han at
eg fekk i oppdrag å laga jolegrauten når den tid kjem. (og den tida er
ikkje enno, la det vera sagt, sjøl om butikkane ser ut til å ha bomma
heilt på årstid og månad og kva som helst).

Ingvild kommenterte i bilen heim at mamma er vorten såpass god att no
at me nesten ikkje tenkjer på at ho er sjuk.

Nede på besøk hjå besta og beste spurte eg dei kva leggjetider dei
hadde då dei vaks opp på 30-talet. Svaret var at dei ikkje hadde
leggetider. Dei la seg når dei la seg. Når det vart mørkt. Besta kunne
hugsa at far hennar pla leggja seg i halv 8 - tida. Ho og mora satt
oppe litt lenger. Fritid er ei relativt ny oppfinning.

Men no er me snart framme på nedre Nattland. Dette var berre nokre
korte glimt frå helga, kanskje det dukkar opp nokre bilete og.

2 bilete frå Perlebryllup

2007-10-25T01:17:00.001+02:00

Det går fort mellom helgene! I morgon kjem Monika på overnattingsbesøk før me fer alle saman til Lofthus i trufaste Forden. Men før me kjem så langt; her er to bilete frå helga som var. Me vart invitert til ein gamal herregard i Kvinnherad for å feira Knut og Britt sitt perlebryllup. Victoria skjønte kanskje ikkje heilt akkurat det aspektet, men poenget i å kasta steinar i sjøen og springa fort om kring på dei shingelbelagte småvegane rundt huset skjønte ho desto betre. Klikk for større versjonar!

Gud og skyene og sånn

2007-10-23T19:35:00.001+02:00

V: E gud oppi himmelen?
P: Ja, men du kan ikkje sjå han.
V: Har skyene stengt himmelen?

Bilete frå Tysnes

2007-10-16T00:22:00.000+02:00

Eg har laga ein liten bildeserie frå helga på Tysnes. Den kan sjåast her:
http://www.student.uib.no/~st09987/Oktoberhelg/

Ei veldig avslappande og fin helg med eventyrlesing og leiking og turgåing.

Orgel i huset

2007-10-06T00:23:00.000+02:00

På trass av påstandar om at å bytta pianoet i eit orgel var å samanlikna med ein Gudbrand i Lia-byttehandel, er me vel nøgde så langt. Ikkje det at me for alltid kjem til å ha orgelet, men nett no er det nyfike og inspirerande å sjå kva ein kan få ut av denne rariteten. Og så gjekk me 2000 kroner i overskot med utbyttinga!

Nokre bilete eg hadde gløymt å leggja ut

2007-09-26T01:31:00.001+02:00

Eg kom på ein film eg tok i svart/kvitt frå før i sommar, som eg ikkje kan hugsa å ha lagt ut her. Kanskje eg la ut nokre? De får sjå om de dreg kjensel på dei. Fotoknudsen gav ei litt dårleg framkalling den gongen, men dei er nok brukbare likavel. (MERK: Det er 3 sider med bilete) http://www.student.uib.no/~st09987/Sommarbileteisvartkvitt/

Ny film framkalla

2007-09-23T23:59:00.000+02:00

På jobben i går prata eg med Herman Friele på telefonen av alle. Eg fekk også tid til å framkalla ein film i arbeidstida. (det vil sei, Fotoknudsen gjorde det for meg) Bileta kan sjåast her.

Ein slags film og eit bilete

2007-09-19T20:59:00.000+02:00

På sundag rei Victoria for fyrste gong på hest! Og det heilt utan at nokon haldt ho. Filmen kan lastast ned her. Han er visst i Quicktime-format.

Og så eit bilete frå frukost-eting i barnehagen. Både filmen og bilete er tekne med Ingvild sin o' flotte nye mobil.

M/S LEGO

2007-09-19T19:58:00.000+02:00

Ingvild lagde ei kul lego-ferja i dag!

Noko uforståeleg

2007-09-08T10:28:00.001+02:00

I dag tidleg då eg sto opp med Victoria (den eine dagen i veka eg kan
skryta av det) hadde me ein liten samtale. Sidan V no kan namnet på
alle hennar nære slektningar tenkte eg å gå eit steg vidare. Eg
spurte: Kem e Britt mammaen te? Då Victoria berre såg uforståande på
meg sa eg: Ho e mammaen te tante Jorunn, onkel Ketil og Ingvild. Men
då såg ho på meg med store auger og sa: Og så var eventyret ute!

Victoria seir så mykje rart

2007-09-03T19:34:00.000+02:00

Victoria har begynt å sei "hugsar du...", for eksempel

- Hugse du i går?

- Hugse du då me kjørte båt? Og så bada Hallvard i sjøen...

- Hugse du då me besøkte farmor og farfar, på Lofthus?

Til glede for alle hardingar kan eg fortelja at ho uttalar "hugse" som "hokse", på ekte harding-vis. Ellers kjem det stadig små gullkorn, som for eksempel i morges då ho lurte på om eg og ho kunne synga "Å du som metter" i barnehagen (me var heilt åleine), eller om me måtte synga "fugler i ørkenen". Eller den gongen Øystein ba meg om hjelp, og eg ikkje ville hjelpa. Victoria observerte det heile, og kommenterte det etterpå:

"Du greidde da sjøl jo, pappa!"

Øystein allmektig

2007-08-24T17:58:00.001+02:00

Eg hugsar nesten aldri mine eigne draumar. Ingvild deimot er ei
utømeleg kjelde av fantasifulle historiar som har utspelt seg i løpet
av natta. I natt, fortalte ho meg, hadde eg og Mads vore sentrale
aktørar. Det hadde begynt med at eg hadde fått tilgang til ei slags
amatriell verd, noko som tydeligvis gav meg skjulte krefter. For då
Ingvild vakna att, hadde eg iløpet av natta ubemerka redesigna og
ommøblert heile leiligheita vår etter mine eigne ynskje. Ingvilds
verste mareritt. Og det bokstaveleg meint, for ho hadde berre drøymt
at ho vakna. Det neste som skjedde var som ein kunne venta: når eg
hadde fått tilgang til ei amatriell verd så måtte Mads ha det også.
Eller var det omvendt? I alle fall hadde deretter Mads og eg gjort
allslags finurlige ting med vår nye makt. Og til slutt såg Ingvild seg
lei av det heile, og begynte å leggja kjeppar i hjula. Så eg gjorde
det einaste naturlige; tok til å designa ei ny kone.

Nye ord

2007-08-05T11:28:00.000+02:00

Victoria bruker ord som forresten, fordi og likevel. Men "korfor" har ho ikkje lært sen enno.

Victoria lagar nye ord

2007-08-02T23:54:00.001+02:00

V hadde ein usedvanleg pratsom kveld i kveld. Ingenting passerte
ukommentert. Eg må fyrst nevna at V i det siste har lært seg ein del ord
som sluttar på -ete, sniglen er klissete eller rommet var rotete. Så når
Ingvild kommenterte at Victoria prata og prata i kveld, svarte ho: Eg e
pratete.

Dagens Victoria

2007-08-02T20:24:00.001+02:00

Då mamma skulle få med Victoria på badet for å gjera kveldsstellet i
kveld: "Mamma, eg e litt opptatt!"

To mislykka prosjekt

2007-07-31T12:05:00.000+02:00

Prosjektene mine blir vanligvis ganske vellykka. Og når dei ikkje blir det, blir eg ganske opprørt.

Mislykka prosjekt #1: Tripptrappstolen

Eg gjekk laus på den med min nyinnkjøpte slipemaskin, og såg for meg eit vakkert, lyst treverk, slik som på dei nye stolane eg har sett på butikken. Men etter det første strøket med lakk såg eg at det bar feil veg. Fargetonen var framleis gul (eg er ikkje glad i gult treverk), og rester av tusj og eg veit ikkje kva var framleis godt synlig. Det var rett og slett for seint å prøve å redde den stolen. Ikkje kunne eg beise den mørk, for eg hadde allerede hatt eit strøk lakk på, det einaste alternativet var å male, men det ville eg ikkje. Så eg fortsatte å lakkere. Då var eg allerede så sint på den stolen, at lakkeringa vart utført skjødesløst, og det samme med monteringa, og no står stolen her, gul og skjoldetet og oppskrapt og me har bare eitt rom så eg må sjå på den heile tida og det irriterer meg. Greit nok, den er mykje finare enn før, men den er ikkje sånn eg såg for meg! Eg tar meg sjøl i å bla opp på barnestoler i IKEA-katalogen, dei er fine og rimelige og slettes ikkje gule.

Mislykka prosjekt #2: Kjolen

Den såg så enkel ut. Eg hadde jo rekna med at det vart litt arbeid, men eg trudde jo, som alltid, at det skulle bli fint på første forsøk. Den største tabben var nok at den er laga i ein farge som avslører alle mine feil. Jaja, den var no fin også. Det fins hvertfall ingen kjole i HM-katalogen som hånler mot meg.

Litt Victoria-greier

2007-07-30T18:32:00.000+02:00

Det er mykje som har skjedd med Victoria denne sommaren. Ho har sagt og gjort mange artige ting som eg gjerne vil skriva ned. Eg får ta det etterkvart som eg kjem på dei.

No i dag kom Ingvild på noko. På forsommaren sa Victoria noko som fekk oss til å forstå at ho hugsa noko frå sommaren i forvegen. Altså då ho var eitt år og 4-5 månader. Men me har ikkje greidd å koma på kva det var, før i dag. Det var då Victoria såg sommarens fyrste bie (som ho kallar veps) at ho sa at den var ”aoa”. Ho hugsa altså då ho vart stukken av ei bie i fjor sommar.

Då me kom heim frå Praha fortalte Knut at Victoria stadig hadde sagt noko slikt som ”mamma og pappa køyrer fly på himmelen”. I går, då Victoria fekk sitja oppå disken (= kjøkenbenk, for alle ikkjehardingar), sa ho: ”Jeg får lov til det av mammaen min”. Ikkje mykje nynorsk der i gården.

Til slutt eit par morosame filmar tekne opp i slutten av juni:
http://www.student.uib.no/~st09987/MOV01666.wmv
http://www.student.uib.no/~st09987/MOV01668.wmv

Vestlandsferie

2007-07-26T15:35:00.000+02:00

Pakkeliste: solkrem, støvler, solbriller, regntøy, caps, fleire støvler, shorts, varm genser, redningsvest, sandaler og meir regntøy. Bilen var stappstappfull, men me fekk bruk for alt sammen.

Bilete frå Praha

2007-07-25T21:40:00.000+02:00

58 bilete frå turen vår kan sjåast HER. Legg merke til Skoda-politibilen! Og lag gjerne ein konkurranse som heiter "finn Ingvild".

Dekadent storbyliv

2007-07-16T11:51:00.001+02:00

I går gjekk me på restaurant igjen, Club Arkitekt, heitte han, som kan tilrådast på det varmaste. Det var ganske fullt, så me fekk tildelt eit fellesbord. Det sat berre ein annan person der. Enter Dave the american. Han var akkurat kome til byen same ettermiddag og var på sin fyrste stoppestad etter innsjekking. Han var teologistudent og me prata med han heile kvelden. Han fortalte at han også hadde undra seg over dei opp til tusen år gamle kyrkjene som står tome kvar sundag. Men i USA har dei berre det me ville kalla frikyrkjer, alt vert drive på lokalt nivå med privat initativ, det er til dømes ikkje eit statleg problem viss kyrkjene forfell. I Europa er dei gamle kyrkjene museumsgjenstandar. Det er jo delvis slik også i Noreg, men i Praha er steget tatt fullt ut.

Om kyrkjene stirar tomt tilbake på turistane, er det meir livleg på andre arenær. Her er prostitusjon lovleg, vindauga reklamerer for cannabis og absinth, og dei fleste daglegvarebutikkar har både litt gambling og spritsal på si. Snakk om forskjellig ferie frå den eg hadde i fjor, då eg farta gjennom bibelbeltet (skjønt; 'ferie'). Samstundes er det massevis av policie i gatene. Men kva gjer dei på? Alt er jo lov. Dei spankulerer i alle fall rundt og pratar gemyttleg seg i mellom, ettersom eg kan sjå. Og så har dei eit privilegium som ingen andre har, bilane stoppar for dei på fotgjengarfelta. Veit de forresten kva som er den offisielle politibilen her? Skoda Felicia! Akkurat same modell me hadde heime då eg gjekk på ungdomsskulen. Skoda er status her. Nesten alle bilane er skoda. Frå flyplassen til hotellet vart me køyrt i ein vill fart i ein skoda octavia, meir enn dobbelt så fort som den tilltatte grensa på 70 km/t. Køyrekulturen her er eit kapittel for seg. Om noko meir strukturert enn den ein finn i t.d. arabiske land, så tek dei igjen for det i fart. Fartsgrensene vert rekna som tilrådingar, eller så er dei opne for ulike tolkingar. Kvart raude ljos som vert grønt vert tolka som eit klarsignal i eit kappløp, og for å kryssa vegen som fotgjengar må ein ha ein viss porsjon dødsforakt. Ein får tre sekunder på seg før den grøne mannen vert raud.

Som de skjønar går me mykje til fots. I går gjekk me 6 timar i strekk, ok, kanskje ikkje i strekk, me hadde nokre drikkepausar, i alle fall var me ganske utkøyrte etterpå, og hadde ein skikkeleg siesta på hotellrommet i behagelige 22 grader celsius. Det var lurt, for då kunne me vera oppe til seint på natt (i alle fall etter Ingvild sine begrep), og me gjekk over Carluv Most, karlsbrua, etter mørkets frambrot, i lag med tusenvis andre. Då overdriv eg ikkje. Det er ei sann maurtue. Men som Ingvild seier, ho har ikkje noko i mot maur. Når me snakkar om insekt, ein rar ting med den nattlege karlsbrua var dei enorme svermane med innsekt som innhylla ho, cirka 4 meter over brusteinane, dvs. rett over hovuda på oss. Dei lagde ein djup summande song som vedvarte gjennom heile overfarten. Og tilbake igjen. Elles sto det strøydd med musikantar på brua, all slags musikk, irsk folkemusikk, kyrkjemusikk, middelaldermusikk. Elles er det mest billeg techno som høyrest i gatene.

Det er vanskeleg å oppsummera stemninga i denne byen. Ein frilynt by, er sikkert at det er. Men også mykje meir. Ein kjenner seg velkomen og det er ok å skilja seg heilt ut. Det er også ei stemning av framtidsoptimisme, verkar det som. Ei slags ungdomsaktig jappetid i kombinasjon med store teknologiske framsteg. Prisnivået er omtrent som det norske på teknologi, men mat er billeg. Omvendt frå norske tilhøve akkurat der. Og sjølv om alkohol er billeg og festing heile natta er normalen, er det nesten ingen blind vald her, få som ravar og skrik i gatene som i Bergen ein laurdagskveld, ein kjenner seg tvert om trygg.

Luft og temperaturmessig kjenner eg det som om eg er konstant under ei tjukk dyne der lufta er tung, varm og dårleg (ingvild hadde lest at forureiningsnivået her er 3 gonger over kva som er trygt). Så eg gler meg til frisk luft, 13 varmegrader og regn i Bergen. Eg trudde ikkje eg skulle høyra meg sei det. Det er sjølvsagt det mest påfallande ved å reisa, ein ser tydeleg kva ein reiste i frå. Kva som er bra heime, og kva som ikkje er betre her.

Eg har visst ikkje fortalt særleg om kva me har sett hittil. Me har sett dei vanlege tinga i gamlebyen og i det jødiske kvarter, og elles teke livet heilt med ro. Ferie er no ferie, meiner eg. Og augo lengtar ikkje akkurat etter fleire ting å sjå, me har sett så mykje allereie. Slottet er nok å nevna, visstnok verdast største stående middelalderslott. Meir enn tusen år gamalt og kvar einaste arkitektoniske epoke fra førre årtusen er representert ein eller annan stad på det enorme slottet. Ei heilt separat og bevart gamal gate som ein må betala for å koma inn i heiter Golden Lane, med mange gamle butikkar og fangehol og eg veit ikkje kva. Ei bevart gate frå den opprinnelege middelalderske busetnaden rundt slottet, etter som eg kan forstå (ikkje heilt ulikt diagonal alley kanskje, er det ikkje det den gata i Harry Potter heiter, ein passande analogi, også her er Harry Potters namn skrive i dei største bokhandlane i desse dagar, når den sjuande og siste boka om HP kjem ut).

No må eg gå. I dag slappar me av og shoppar litt i gatene, bearbeider nokre inntrykk ved å skriva om dei, og skal no på ein butikk som rett og slett heiter 'Sjakk'. Der har dei allverdens utskorne sjakkspel! Kjekt, kjekt.

i Praha

2007-07-14T22:10:00.000+02:00

I Praha er det no, klokka 10 over 10, stummande moerkt og nesten 30 varmegrader. Godt me har air'kondition paa rommet, der ligg Ingvild utslaatt etter ein dag med svaert mykje trasking. No i ettermiddag spaserte me 4 timar fram og tilbake gjennom 'nye byen' der me bur, via sentrum til gamlebyen. Til aa begynna med syntes me det minna ein del om Bergen, faktisk, litt som nygaardhoegda i arkitekturen. Men det avtok snart. Daa me kom til Karsbrua som foerer til Praha Slottet (som me skal til i morgon) vart det skikkelig proporsjonar over tinga. Eg har aldri sett saa mange folk samla paa saa liten plass, trur eg. Like ved brua laag eit nydeleg gamalt kapell som eg er glad me gjekk inn i. Det gjekk ikkje an aa ta bilete der inne, saa eg faar proeva aa overbringa dei mentale bileta av gullforgyldte englar og ein kuppel som raga hoegt over dei bedande som var samla i benkeradene. Men det var plass til overraskande faa folk der inne, saa var det daa ogsaa overraskande faa som fann vegen inn. Eg hugsar ikkje kva det heitte, st. Ferdinands Kyrkje, trudde Ingvild, men det trur ikkje eg. Elles har me funne ut at det finst noko som heiter turistprisar og saa er det vanlege prisar. Paa torget kjoepte eg nokre enorme appelsiner og ei nektarin til 55 Coruna (cirka 18 norske kroner), ein grei pris, men daa me fann ei slags daglegvareforettning seinare kunne eg faat ei heil korg nektariner og appelsiner for same pris. Me proever og feiler litt, nye som me er i reisebransjen.

Elles har eg smugla inn ein ny dyreart til Tjekkias hovudstad. Det dreier seg om den blodtoerstige Flaatten, som Ingvild i dag ettermiddag oppdaga fastbiten paa underarmen min, slik at eg ikkje kunne sjaa han. Paa hotellet fanst ikkje pinsettar, men me vart henvist til det doegnopne apoteket. Ingvild var flink nok til aa hugsa at pinsett paa engelsk heiter Twisler, (eller noko i den duren, eg hugsar ikkje kva ho sa), men det skjoente ikkje dama paa Apoteket kva var for noko. Heldigvis moette me ein sympatisk Tsjekkar som me hadde smaaprata litt med i forvegen. Eg proevde aa forklara dama at eg hadde faatt ein Tick, som det heiter paa engelsk, *\(minnar om handtikka!), men det skjoente ho heller ikkje. Men mannen, som hadde ein hund som bar namnet Rutsjuska, (som visstnok betydde ei lita rose), skjoente det, og sa nokre hurtige glosar paa Tsjekkisk til dama i kiosken som lyste opp og sa, Ah, Pinzetti! Og kom tilbake med pinsett og desinfiserande veske. Flaatten hadde intelligens nok til aa hoppa av etter nokre omvridningar med pinsettien, men kravla ufortroedent vidare gjennom Prahas gater. Ingvild ytra at Tsjekkisk nok berre var eit roevarspraak, overraskande mange gonger er orda dei same som me har, berre med ein i etter.

Elles er ikkje kundebehandling Tsjekkarane si sterkaste side. Som ferske turistar er me blanke paa ganske mange omraade og spoersmaala me stiller verkar nok i overkant uintelligente, sjoelv naar dei kjem fraa turistar fraa Norge. Men dei kunne no ha proevd aa skjula litt av den vantru stiringa og latteren som me til stadigheit vekkjer.

Traumer i barndommen

2007-07-11T12:56:00.000+02:00

På nabogården til Breidablikk er det sauer, kanskje 50-100 stykker. Victoria har hatt hysteriske grineanfall når ho høyrde brekinga deira. (No går det litt bedre.) Ho er ikkje redd for å stå ansikt til ansikt med ein sau, men liker ikkje at dei lagar lyd når ho ikkje kan sjå dei. Denne samtalen frå i morges er ordrett.

-Jeg hører bææ.
-Å?
-Jeg hører det ofte, mamma. Ofte.

Mai og Juni 2007

2007-06-30T15:09:00.001+02:00

TRYKK PÅ BILETA FOR Å SJÅ STØRRE VERSJONAR

17. mai på Lofthus var ei spesiell oppleving. På forhånd hadde eg bekymra meg over min eigen mangel på nasjonalkjensle, noko eg også skreiv om på bloggen min. Då dagen kom var det den finaste 17. mai i manns minne. Eple-bløminga var perfekt tima til å ha sitt høgdepunkt på grunnlovsdagen og elles var det strålande sol frå skyfri himmel.

Du befinn deg midt i ein himmelropande klisjé av sol, blomar, born, bunadar, og fjell med iskremkledte toppar. Det var umogeleg å ikkje verta riven med. Men nasjonalkjensle? Det var litt verre med den, 17.mai-talaren Harald Opedal (frå jakta på kjærleiken) gjorde ikkje saka betre ved å hevda at grunnlova kontinuerleg bør endrast i takt med tida. Skal det vera noko poeng i å feira grunnlova kan det jo ikkje vera med utgangspunktet at ho er så dårleg at ho stadig må endrast.

Då hadde eg større sansen for nokre vener av familien frå Kongo som framførte kristne songar frå sitt eige land. Når eg tenkjer over det no harmonerer det ganske bra med det eg skreiv om i Dagen nokre veker seinare. Det er ikkje lenger me i Noreg som sender misjonærar til Afrika, no er det motsett. Artikkelen kan lesast her. No hadde denne familien også flykta frå vanskar i heimlandet, men det eine utelukkar ikkje det andre.

Eg og Victoria drøydde på Lofthus nokre dagar etter 17. mai. Ingvild for heim til Bergen for diverse eksamenar. I Hamnæ (kaien på Lofthus) såg eg og V på at båten stakk av med Ingvild. Victoria var blitt stor nok til å forstå kva som skjedde.

Ikkje lenge etter fòr eg og Victoria til Tysnes ein tur. Ingvild balte framleis med å hala den siste eksamenen i land. Eg og V hadde ein forvitneleg tur og V tykte det var umåteleg kjekt å leika i hagen.

Men endå kjekkare var det å ’pringa fott’ ut av hagen og ned på kyrkjetrappa.

Her var Mads snar med å koma seg unna bevismaterialet: ein løvetannskrans, nede til venstre i biletet kan ein sjå han, som han hevda Jorunn hadde laga. Jorunn på si side benekta det, og det er ikkje fritt for at biletematerialet støttar hennar utsegn. Som eg har vore inne på tidlegare her på bloggenskal ein vera sikker på sin eigen manndom når ein står fram som blomeplukkar eller blomekransbindar. Så det er godt eg ikkje er åleine.

Blomekransen kledte i alle fall Victoria ualminneleg godt!

Dei neste bileta er teke ganske nyleg. Dei som fylgjer med på bloggen min har lest om turen eg og Victoria hadde inn til byen sist laurdag. Fyrste stoppestad på byturen vår var hovudbiblioteket. Stor var gleda då Mummimamma og Mummipappa dukka opp i eigen person på barneavdelinga!

Me var òg innom naturhistoriske samlingar, der eg som student slapp inn heilt gratis. Eg brukte lang tid opp treppene, akustikken akkurat der var ikkje mindre enn fantastisk. På veggen hang gamle jakttrofé.

V reagerte med frydblanda skrekk på alle dei utstoppa dyra i samlinga. Kven skulle tru at modellen for den vesle leikegiraffen var høg som 3 pappaer oppå einannan? Her er me blant pytonslangar og kvalskjelett. Billettøren kunne fortelja at det var ikkje alle 2-åringar som greidde å fullføra omvisninga.

Så er me komne til måndag som var, då dukka ein enorm "bil med hus i" opp på vår romslege parkeringsplass. Å reisa lange turar med vanleg personbil er ikkje så greit for mamma, men bubilen gjer at mamma og pappa slett ikkje treng gi opp sitt rykte som omstreifarar. Ingvild diska opp eit fruktfat med appelsin, melon og mango. Mampap var berre middels imponerte, etter som dei hadde ete slik frukt frå trea på Cuba sommaren i forvegen.

Victoria tykte det var ustyrteleg morosamt å spela håndball med farfar. Men ho hadde sin eigen variant som gjekk ut på å kasta ballen PÅ farfar, ikkje til.

Då dei skulle fara vidare til Førde fekk underteikna og V ta ein tur med bubilen. Det er mykje trivelegare å sitta inni ein bubil enn å køyra bak ein, kan eg fortelja.

Globetrottarane i framsetet.

Etterpå reiste eg og Victoria på butikken. Ho er ein ypperleg handleassistent og vognførar.

Den siste veka har V også teke til å gå heile vegen til og frå barnehagen sjølv. Her på stien med gras som når ho over hovudet enkelte stader. Eg hugsar korleis det var å vera på storleik med graset.

Samtlege bilete kan sjåast HER. Rubb og stubb.

Indoktrinering...

2007-06-29T01:57:00.000+02:00

Tidlegare kjent som krøking. (trykk for større bilete)

Ferieplanar

2007-06-15T13:47:00.000+02:00

Me skal ha tre veker med ferie i sommer, og det er mange ønsker som skal oppfyllast på kort tid. Til slutt greidde me å snekra sammen ein plan, og den ser sånn ut:

Tirsdag 10.07: Ingvild og Victoria reiser til Tysnes
Lørdag 14.07: Ingvild og Øystein reiser til Praha
Tirsdag 17.07: Me kjem heim frå Praha og Øystein reiser til Tysnes.
Onsdag 18.07: Øystein og Victoria reiser frå Tysnes til Lofthus
Fredag 20.07: Ingvild reiser til Lofthus
Me reiser heim igjen i første halvdel av veke 30.
I veke 31 byrjar eg i min nye jobb som studieveileder på matematisk institutt.
Puh.

laurdag, 8. juni

2007-06-08T21:47:00.001+02:00

i dag spurte eg deg om noko
berre for å sjå om det stemmer
at når du ikkje skjønar spørsmålet
svarar du likevel
ja

på kvelden vart du redd
og ba meg jaga vekk ein veps
eg jagde han ut
men det viste seg i ettertid
å vera ein tanke

seinare gjekk me ut og lo
av ein katt som ikkje visste
om han skulle hoppa opp på gjerdet
eller ikkje

Til farmor

2007-05-22T01:27:00.001+02:00

Alle bildene

2007-05-21T23:45:00.000+02:00

Fant ut at dei ulike lesarane sikkert har ulike ynskje, men at til saman utgjer det sikkert nesten alle bileta. Uansett lettast å berre leggja alle ut. So here goes:

http://www.student.uib.no/~st09987/Bildea.jpg
http://www.student.uib.no/~st09987/Bildeb.jpg
http://www.student.uib.no/~st09987/Bildec.jpg
http://www.student.uib.no/~st09987/Bilded.jpg
http://www.student.uib.no/~st09987/Bildee.jpg
http://www.student.uib.no/~st09987/Bildef.jpg
http://www.student.uib.no/~st09987/Bildeg.jpg
http://www.student.uib.no/~st09987/Bildeh.jpg
http://www.student.uib.no/~st09987/Bildei.jpg
http://www.student.uib.no/~st09987/Bildej.jpg
http://www.student.uib.no/~st09987/Bildek.jpg
http://www.student.uib.no/~st09987/Bildel.jpg
http://www.student.uib.no/~st09987/Bildem.jpg
http://www.student.uib.no/~st09987/Bilden.jpg
http://www.student.uib.no/~st09987/Bildeo.jpg
http://www.student.uib.no/~st09987/Bildep.jpg
http://www.student.uib.no/~st09987/Bildeq.jpg
http://www.student.uib.no/~st09987/Bilder.jpg
http://www.student.uib.no/~st09987/Bildes.jpg
http://www.student.uib.no/~st09987/Bildet.jpg
http://www.student.uib.no/~st09987/Bildeu.jpg
http://www.student.uib.no/~st09987/Bildev.jpg
http://www.student.uib.no/~st09987/Bildew.jpg
http://www.student.uib.no/~st09987/Bildex.jpg
http://www.student.uib.no/~st09987/Bildey.jpg
http://www.student.uib.no/~st09987/Bildez.jpg

Kva vil de sjå?

2007-05-21T00:19:00.000+02:00

Denne filmen er nyleg framkalt hjå fotoknudsen. Nokre spesielle de vil eg skal lasta opp på fotobloggen?

(Trykk på bildet for større versjon)

No one can Break Us

2007-05-19T00:12:00.001+02:00

No one can Break Us (V)
Originally uploaded by Øystein Lid.

Victoria gjer v-teiknet!

Noen ganger er det allright...

2007-04-30T00:52:00.000+02:00

... å ta bilete av blomar, noko eg gjorde i dag. Sidan det er ein aktivitet som vert sett ned på, kjem eg her med eit aldri så lite forsvarsskrift.

Å ta bilete av blomar står altså lågt i kurs mange stader. Det er for det fyrste noko svært mange som skaffar seg eit brukande kamera gjer. Dessutan er det ikkje særleg utfordrande å ta bilete av slike stilleståande objekt. Ein kan også verta klandra for å vera feminin (i den grad det er ein negativ karakteristikk i vår tid), for det skil seg vel ikkje særleg frå å plukka blomar? Tenk på dei mest mandige og barske mennene du kjem på. Kan du sjå dei for deg med ein liten bukett kvitveis i neven? Eg trudde ikkje det. Og så vidare. Så kvifor tek eg denne risikoen?

Då eg tok 3bi (biologi for vidarekomne) på gymnaset hadde eg ein framifrå idé. I staden for å samla inn blomar til det obligatoriske herbariumet fann eg ut at eg skulle ta bilete av dei. Digitale kamera var hausten 1999 noko ganske sjeldent, dyrt og dårleg, så eg skulle ta bilete med det analoge kameraet mitt. Det fungerte dårleg, men idéen var god. Eg var eigentleg forut for mi tid. No, 7 år seinare, har eg utstyret som eg hadde tronge den gongen, og tanken om eit personleg digitalt herbarium tiltalar meg framleis.

Og for å gå lenger tilbake i tid - frå eg kunne stabba rundt og gå har eg alltid elska dei ørsmå detaljane i naturen. Om det gjaldt ein makk eller ein natt-og-dag, det spelte ingen rolle, eg var like begeistra for begge to. Det er rett og slett ein del av min medfødte personlegdom. Eit lite apropos: Eg hugsar ein sommar fekk eg 50 øre av pappa for kvar blom eg fann som han ikkje visste navnet på. Eg vart ikkje nett rik av det, sidan han er svært kunnig på området. Forresten, Pappa, eg fann ein blom som eg ikkje var sikker på kva var for ein. Veit du? (bildet blei dessverre ikkje heilt bra). Og denna sommarfuglen, kva er det for ein? Viss det er andre som veit, er det fritt fram for forslag, sjølvsagt.

Og til sist: Det gir meg rett og slett sjelefred. Her fylgjer nokre få bilete frå dagens skogstur som eg lagt inn i mitt nye digitale herbarium. Trykk på blomen for å koma dit! (Utstyr: Ei linse som er eitt år eldre enn eg, + kamera.)

Sleeping Beauty

2007-04-27T20:36:00.000+02:00

Små, praktiske sideoppdateringar

2007-04-22T11:59:00.000+02:00

Som de kan sjå til høgre på sida her har eg ordna litt i linkane. Det kaotiske nettverket av sider eg etter kvart har opparbeida meg er forhåpentleg no litt meir oversikteleg. Eg har også pusta litt liv i den gamle bildebloggen min bilete.blogspot.com, slik at han til ei kvar tid viser siste bilete som er opplasta på den nye bildebloggen min. I same slengen har eg oppdatert linkane til andre familiemedlemmer med blogg. Trur eg skal ha fått med dei fleste no, bloggane til Monika og Hallvard har omsider fått sin rettmessige plass, det same med svoger Mads sine bloggar. Er det nokon eg har gløymt?

Buhu

2007-04-20T14:52:00.000+02:00

No har eg vore sjuk ei veke: feber og forkjølelse. På skulen er det bare snakk om eksamen, det er ikkje lenge til. Det er superstrenge tidsfrister på master; i praksis betyr det at du bare får en sjanse til å ta ein eksamen. Dumme muntlige eksamener. I fjor var eg sjuk i heile desember og fekk ei skikkelig hostekule på den eine eksamenen. I tillegg er eg skyldig i å ha smitta x antall matematikkstudenter, og vart "sendt heim av læraren" i går.

Sangmoro

2007-04-19T08:57:00.000+02:00

I går begynte eg og Øystein å synga akkurat samme tone nøyaktig samtidig! Det var skummelt. Victoria sang "HUUUUAJU" og "HU HU". Tenkte det ville glede morfaren. Ho har lært det i barnehagen(!).

Film

2007-04-14T13:01:00.000+02:00

Nokre videoklipp frå den siste tida som er satt saman. Berre for å forklara det siste videoklippet: eg har vore kraftig forkjølt den siste veka, og ein biverknad av det er at eg enkelte morgonar kan ha ei betydeleg mørkare stemme enn vanleg. Den spesielle morgonen nådde eg heilt ned på ein djup B, noko som er tangering av min personlege rekord. Eg hadde ikkje tenkt å utsetja dykk for dette eksperimentet, men Victoria sin reaksjon syns eg er ubetaleleg. FILM

bilete

2007-04-12T21:34:00.001+02:00

Victoria et kveldsmat

Monika 29 år!

2007-04-11T19:35:00.000+02:00

2007-04-01T22:59:00.000+02:00

På fotobloggen min kan ein sjå eit kjapt bilete eg tok av Victoria i dag. Det var ustyrteleg morosamt å leika med lypsylen te tante Monika. Ein større versjon kan sjåast her.

Krokus!

2007-03-22T11:40:00.000+01:00

- tatt i Nattlandslia den 20. mars.

Film: Og så pappa

2007-03-20T13:05:00.000+01:00

Film: Og så pappa

Kompromisspåska

2007-03-15T23:49:00.000+01:00

Sidan me i år ikkje har fri palmehelga (jobbing), men berre påfylgjande torsdag-måndag, dvs. påskehelga, syns me det er for knapp tid til å vera både på Lofthus og Tysnes. Me har nyleg hatt ei helg på Lofthus, difor er det Tysnes som får besøk av Victoria denne påska. Ingvild fylgjer med som Victorias vaktkvinne, medan eg i år feirer tradisjonell påske heime på Lofthus med flest mogeleg øvrige familiemedlemmer. Sidan tida er for knapp for å dela på to ulike stader, deler familiekompaniets medlemmer seg i staden opp. Til gjengjeld kjem me samla til Lofthus i mai, gjerne rundt grunnlovfeiring og bløming. Og eg dukkar opp på Tysnes ein kort visitt denne helga. Eg reknar med at ingen vert heilt nøgd med det eg har presentert her, men forhåpentleg vert ingen heilt misnøgd heller. Eg har skrudd av mogelegheita for å gi kommentarar på dette innlegget.

-Øystein.

Tavle

2007-03-13T23:13:00.000+01:00

Ei god kilde til Victoria-bilete og Lofthus-bilete er bloggen som Pappa driv, TAVLE!

Film: mislukka songstund

2007-03-13T13:35:00.000+01:00

Berre ein liten videosnutt her, tatt opp 28. februar. Eg prøvde å få den fine songen på film, men Victoria var ikkje heilt med på notane.
Rull film!

Lesa bok?

2007-03-09T11:34:00.000+01:00

Victoria er ein bokorm. Ho sitter i timesvis med alt fra barnebøker, voksne romaner(!) og ikkje minst IKEA-katalogen. Det samme blir rapportert frå barnehagen; ho spør heile tida. "Lesa bok?". No har ho fått seg bokstavmagneter av mormor, og er veldig ivrig etter å læra seg bokstavar. Etter å ha gått gjennom nokre bokstavar med Victoria, prøvde Øystein seg på eit ord. Han satte sammen "PUS" på kjøleskapet. "P--U--S, kva blir det?" spurte Øystein. Då svarte Victoria: "pe-us" :-)

I sofakroken

2007-03-05T13:36:00.001+01:00

V på biblioteket

2007-03-05T13:29:00.000+01:00

Le av livet

2007-02-26T23:57:00.000+01:00

Typisk elendig mandagsmorgon

2007-02-26T07:49:00.000+01:00

06:15. Brødet som eg har laga i brødbakemaskina er flatt som ei pannekake. Eg er tett i nasen og har feber, men velger å oversjå det. Eg skynder meg for å nå 2-er bussen; det siste stykket springer eg. Eg når den akkurat, men når bussen har humpa seg ned til Landås, suser ein 50-buss forbi. Den kunne eg tatt. Eg stirrer misunnelig på dei komfortable setene. 07:36. Eg er framme, men nøkkelkortet mitt virker framleis ikkje, sjølv om eg ba om å få det fiksa for ei veke sidan. Det er ingen som kan sleppa meg inn, her er det heilt tomt. 07:45. Døra opnar seg. Men eg har glømt nøkkelen til kontoret heime. Så eg søker tilflukt på datarommet, og drømmer om min økologiske grønne te som ligger innelåst på kontoret.

Vognkøyring

2007-02-16T22:38:00.001+01:00

Album: 2 år med Victoria

2007-02-14T15:20:00.000+01:00

2 års-dagen til Victoria nærmar seg voldsomt! I samband med det (og pga. etterspurnad) har eg lagt ut 200 bilete frå livet hennar så langt i kronologisk rekkefylgje.

Imponerande!

2007-01-29T19:28:00.000+01:00

Då eg kom heim frå skule i dag, sa Victoria, heilt uoppfordra:

"Eg har vært i barnehagen!"

Ho sa det to gonger, heilt tydelig. Me har ikkje lært ho å sei det.
Ho tok også på seg pysjamasen heilt sjølv. Buksa bak fram. Og ho var veldig stolt.